水晶蝦點解需要對水？

水晶蝦環境轉變十分敏感，只要溫度／水質落差大，特別容易出現折損，一啲比較貴嘅蝦更加容易出現以上情況。所以就需要用對水嘅方式等蝦隻慢慢適應新水質，減少蝦隻因刺激而出現嘅不適狀況。

對溫不對水？

對溫不對水的做法是因為水晶蝦對溫度較水質硬度敏感。tds通常在60-180左右，差不了多少，影響不大。加上自己試過好幾次唔小心換左100%水，補Ro水後，差唔多十分鐘先加礦物質水，但都冇事。相反溫度突然上升兩三度會即刻好大反應，所以如果想偷懶，入缸唔對水都一定要對溫。

新蝦如何入缸？

我個人做法就係對溫不對水。主要嘅步驟分為兩個：對溫，檢疫。

因為對溫過程係需要”將個袋放入準備入嘅缸入面”，所以喺對溫之前需要將包裝袋沖乾淨，避免有啲唔乾淨嘅嘢入缸，放入缸後大概在浸30分鐘就夠啦。 要準備嘅有，一個乾淨的容器，裝一兜原缸水，對溫後幫蝦浸浴（檢疫用）。

1. 蝦隻到家後，先用清水沖乾淨包裝袋的表面。
2. 然後將袋蝦放入個缸入面浸泡，約30分鐘。
3. 打開袋子，將蝦小心撈出，放進第一個準備的容器。
4. 浸泡3分鐘後，將蝦小心撈出，放進第二個準備的容器（用RO水可節省此步驟)。
5. 將蝦小心撈出，入缸，啲水唔要。

小補充：步驟三、四主要係作檢疫用途，可自行決定要否增加或減少檢疫次數。

諗好養咩蝦未？

購買水晶蝦： https://shrimphousehk.com///SHOP

FB賞蝦區： https://www.facebook.com/shrimphousehk